Bakıda yeni sirkin binasının inşa olunacağı ilə bağlı mədəniyyət naziri Əbülfəz Qarayev bir neçə ay öncə açıqlama vermişdi.
Modern.az sirkin tikinti müddəti ilə bağlı Mədəniyyət Nazirliyinin informasiya və ictimaiyyətlə əlaqələr şöbəsinin müdiri İntiqam Hümbətovla əlaqə saxlayıb.
Nazirlik nümayəndəsi yeni sirklə bağlı planların konkret olmadığını açıqlayıb.
“Yeni sirk binasının inşası ilə bağlı hələki bizə bir məlumat verməyiblər. Sadəcə cənab nazir hardasa 2 ay bundan öncə jurnalistlərlə söhbət əsnasında bildirin ki, yeni sirk binasının yaranmasına ehtiyac var. Çünki hazırda fəaliyyətdə olan sirk köhnəlib, biz istəyirik ki, müasir bina fəaliyyət göstərsin. Əgər yeni bina inşa ediləcəksə, konkret ünvan olaraq harda olacağı da bəlli deyil. Ola bilər ki, öz yerində də inşa olunsun”.
Jalə QƏHRƏMANQIZI
