“Hörümçək-Adam” film seriyasının sonuncu filmi olan “Hörümçək-Adam: Evə Yol Yoxdur” filminin gəlirləri 1 milyard dolları keçib.
Modern.az xəbər verir ki, bu, pendemiya dövründə gəlirləri 1 milyard dolları keçən ilk film olub.
Təxminən 905 milyon dollar gəlir əldə edən Çin tərəfindən çəkilən “Çanjin gölündə döyüş” filmini geridə qoyan “Hörümçək-Adam” 2021-ci ilin ən çox gəlir gətirən filmi adını da qazanıb.
“Comscore” adlı media data analitik firmasının məlumatına görə, 1 milyard dollardan çox gəlir əldə edən son film 2019-cu ildə ekranlara çıxan “Ulduz müharibələri” olub.
Epidemiyanın ikinci ildönümü yaxınlaşdıqca heç bir Hollivud istehsalı bu gəlir səviyyəsini ötməyib.
Akif İsmayılov
