Bakıda "Bolmart" supermarketində baş vermiş kütləvi zəhərlənmənin səbəbi məlum olub.
Bu barədə Modern.az-a açıqlama verilən Kliniki Tibbi Mərkəzin mətbuat xidmətinin rəhbəri Elnur Hidayətoğlu bildirib ki, zəhərlənmə diaqnozu ilə Mərkəzin Toksikologiya şöbəsinə 15 nəfər gətirilib.
İlkin məlumata görə, həmin şəxslər dəm qazı sızmasından zəhərlənib.
"Cüzi dəm qazı sızması nəticəsində boğulma olub. 15 nəfərə xəstəxanada ilkin yardım göstərilib, hər birinin səhhəti yaxşıdır və artıq evə buraxılıblar", - E.Hidayətoğlu qeyd edib.