BBC-nin Ermənistan versiyasının əməkdaşı Mark Qriqoryan işğal altındakı Kəlbəcər rayonuna, daha doğrusu Xudavəng kəndinə səfər edib və kənddən fotoreportaj hazırlayıb.
Modern.az xəbər verir ki, erməni jurnalistin BBC üçün hazırladığı fotoreportaj telekorporasiyasının bir çox dillərində, o cümlədən Rusiya versiyasının saytında da yerləşdirilib.
Reportajda Xudavəng kəndi ermənicə Dadivank kimi təqdim olunur və kəndin yaxınlığında yerləşən alban məbədi Xudavəng erməni kilsəsinə aid monastır kompleksi kimi təqdim olunur. Kəndin 27 evdən ibarət olduğu və 80-ci illərin sonunda Bakıdan, Sumqayıtdan, Gəncədən və Goranboydan gələn ermənilər tərəfindən məskunlaşdırıldığı bildirilir.
Vüqar İSMAYILOV
