24 may 2018, Cümə axşamı
Ana Səhifə - MEDİA - “Mətbuatdan getsəm, dünya dağılmaz ki...” - “Şərq” qəzetinin “gözəgörünməz adamı” ilə MÜSAHİBƏ
“Mətbuatdan getsəm, dünya dağılmaz ki...” - “Şərq” qəzetinin “gözəgörünməz adamı” ilə MÜSAHİBƏ +
03.05.2017, 12:16

Azərbaycan mediasında bir sıra redaktorlar var ki, gördükləri çox işin müqabilində, daim kölgədə qalırlar. Yəni çox iş görürlər, amma az tanınırlar... Baxmayaraq ki, redaksiyada tutduqları posta görə ikinci adam sayılırlar. Onlar öz redaksiyalarının belə deyək ki, cəfakeşləridirlər. Çalışdıqları yerdə əsas iş icraçıları olan belə redaktorlardan biri də uzun illərdir "Şərq" qəzetində baş redaktorunun müavini vəzifəsinni daşıyan Yusif Nəzərlidir.

 
Modern.az saytı onunla həmsöhbət olub.

 

-Yusif müəllim, oxucuların sizi daha yaxından tanıması üçün özünüz haqqında ətraflı məlumat verə bilərsinizmi?

- Gürcüstan doğumluyam. Qarayazı elinin Nəzərli kəndində 1-ci sinfə getmişəm. 1990-cı ildə Bakı Dövlət Universitetinin Jurnalistika fakültəsinə daxil olmuşam. Tələbəlik dövrüm çox ağır illərə təsadüf edib. Ölkədə içtimai-siyasi vəziyyət çətin idi. Maddi problemlər, kirayənişin həyatı, təhsil almaq, üstəlik ailəyə kömək etmək kimi qarşımda vəzifələr dururdu…
Yalnız işləmək durumu dəyişə bilərdi. O vaxt müxtəlif qəzetlərdə fəaliyyətimə xəbərlərlə, kiçik yazılarla başladım. Bəzən hazırladığım materialın çap olunmasını həftələrlə gözləmişəm, ruhdan düşdüyüm vaxtlar da olub. 1991-ci ildən sonra həyatımda dönüş yarandı. Qonorarlar  aldım, kirayə haqqını özüm ödədim, dolanışığımın bir qismini təmin etdim.
1992-ci ildən Milli Məclisin orqanı olan “Azərbaycan” qəzetində yarımştat işə götürdülər. Sonra bir neçə mətbu orqanda - “Vətən ocağı”, “Panorama”, “7 gün” qəzetlərində işlədim. Emin Eminbəyli, Mehman Cavadoğlu, Şahvələd Çobanoğlu, Əziz Rzazadə, Yusif Rzayev kimi redaktorlardan öyrənmişəm.
1996-cı ildən “Şərq”in əsgəriyəm. Bir oğlan, bir qız övladım var.      

 

-Adətən müxtəlif peşə adamlarına  “niyə bu peşəni seçdiniz” sualı ünvanlanır. Bizə də maraqlıdır, niyə jurnalistika?..  Bu sahəni sizə sevdirən səbəb nə olub?

 

- Mən futbol şərhçisi olmaq istəyirdim. Rusiya kanallarında idman şərhçisi Nikolay Ozerov vardı.Uşaq ikən onun səsinin vurğunu idim. Bir də o zamanlar Gürcüstanda “Samqori” qəzeti çıxırdı. Yarı gürcü, yarı Azərbaycan əlifbası ilə. O qəzeti izləyirdim, xəbərləri oxumağı sevirdim. Evdə öz-özümə cızma-qaralar edirdim. Məktəbdə divar qəzeti, güşələr hazırlayırdım. Hətta məktəbdə qız istəyən yeniyetmə oğlanlar  vardı, onların bəzi sevgi məktublarını da yazırdım. Və bir də həyatda heç unutmayacağım bir şey - bütün qohum-əqrabadan hərbi xidmətə gedənlərlə məktublaşırdım. O vaxtlar Almaniyada qulluq edən rəhmətlik əmim oğlu Fərhad deyirdi ki, “elə yaxşı məktub yazırsan ki, heç evdən belə məlumat vermirlər”.
Uşaq ağlımla hər şeyi açıb-tökürdüm. O da mənim yazışmalarım üçün darıxırdı. Bir dəfə rəhmətlik atam dedi ki, “bala, elə get jurnalistikaya, sənin işin-peşən yazmaqdır”. Odu- budu, bu peşə canımdan çıxmadı. 


- “Şərq” qəzetinin ilk sayından etibarən  burda  işləyirsiniz. Maraqlıdır, Akif Aşırlı ilə yollarınız necə birləşdi? Qəzet necə yarandı?

 

- Biz Akif bəylə “7 gün” qəzetində bir yerdə çalışmışıq. Bir gün dedi  ki, qəzet yaratmaq istəyir.  Bir yerdə işləyə bilərik. O vaxt qəzət təsis etmək, onu yaymaq, davamlı buraxmaq  hər oğulun işi deyildi. “7 gün”dəki baş redaktorumuz Emin Eminbəylinin xeyir-duası ilə 25 min tirajlı bir qəzetdən ayrılıb, “Şərq”ə can qoymağa başladıq. 1996-cı ilin noyabrından bu günə kimi bir yerdə çiyin-çiyinəyik.    

  

-İndiki gənclər tez-tez  iş yeri dəyişir. Lakin siz hələ də “Şərq” qəzetinə sadiqsiniz.  Sizi bu qəzetə bağlayan nədir?

 

- Əvvəla mənim üçün azad mühit, yaradıcılıq atmosferi önəmlidir. Tam səmimi deyirəm, Akif Aşırlı çox az baş redaktorlardandır ki, redaksiyada belə bir mühit yaradıb. Baş redaktorumuz indi də bizimlə redaksiyada gecə saat 11-yə, 12-yə qədər çalışır. Qəzetimiz haqqında böyük danışmaq istəmirəm, hər kəs onun keçmişini, tarixini, tirajını yaxşı bilir. O vaxtlar 23-25 minlik tirajla yayılmaq böyük rəqəm idi. Burda o qədər ac-susuz günlərimiz, gecələrimiz olub ki...
“Şərq”in ilk sayından burdayam. Qəzetə  əməyi keçən başqa dostlarımız - Mahir, Natiqlə çox çətin, amma maraqlı günlər yaşamışıq. Az qala ömrümün yarısı burda keçib. Bu qəzet mənim üçün bir ailədir. Necə sadiq olmaya bilərəm?..     

 

-“Şərq” qəzeti fəaliyyət göstərdiyi müddətdə əsas çətinlikləriniz nələr olub?

 

-Çətinlikləri deməklə bitməz. İlk saylarımızı ağır şərtlər altında çıxarmışıq. Kağızın, təbəqənin çətin tapılan bir vaxtları idi. Şaxtalı, qarlı havalarda  qəzetin çap prosesinə qədər məhsulumuzun üstündə olmuşuq. Onu bazara çıxarana qədər yuxusuz qalmışıq. Bundan başqa, məhkəmə çəkişmələrində də sakitliyimiz pozulub, gərginlik artıb. O vaxt ölkənin ikinci şəxsi - Murtuz Ələsgərovla,  Fatma Abdullazadə  və başqa iri ranqlı məmurlarla davalar yaşamışıq. Amma bunlar hamısı normal hallardır. Bu peşəni seçmisənsə, problemlərinə də qatlaşmalısan. İş olan yerdə çətinliklər olur, o da ola ki iddialı bir iş.

 


-Qəzetin bu qədər ağır yükünü daşımaq sizi yormur ki? Mətbuatdan bezib getmək istədiyiniz anlar olub?

 

- Yorulmaqla bezmək fərqli anlayışlardır. Hər sabahın sonunda yorğunluq olur. Gərgin iş çalışmasından sonra bəzən bir stəkan çay içməyə belə, ərinirəm. Üstəlik də ailə qayğılarını, məişət problemlərini bir təhər iş qrafikinin arasına sıxışdaranda yorğunluq iki qat artır. Amma işimdən həmişə zövq almışam. Bu, hər şeyi unutdurur. Bəzən bunun üstündə texniki əməkdaşlarımızla sözüm tərs də gəlib. Deyirlər “filan qəzetlərin işçiləri saat 7-8- də evlərinə gedirlər. Biz niyə yox?”. Onda da zarafata salıb deyirəm ki, “gedin onda o qəzetlərdə işləyin”. Dinmirlər. Çünki onlar da ailələrinin bir üzvü kimi bu qəzeti sevirlər. Beləcə gərginliyə bir az zarafat tonu qatıb, yola veririk. Bilirsiz, biz evimizdən daha çox işdə oluruq, günorta yeməyimizi bir yerdə yeyirik, az qala xasiyyətlərimiz bir- birimizə keçib.

O ki qaldı mətbuatdan getmək istəyimə, belə bir hal kəsinliklə olmayıb. Həm də mətbuatdan getsəm, dünya dağılmaz ki... Qəzetçilikdən başqa əlimdən bir çox işlər gəlir. Metlax vura bilirəm, elektirik işindən başım çıxır, su kranları dəyişə bilirəm. Parketdən başqa ev təmiri işlərindən bildiyim işlər var. Ruzini verən Allahdır.

 

-Ümumiyyətlə, nə vaxtsa mətbuata gəldiyinizə görə peşman olmusunuz?

 

- Qətiyyən. Onda mən o məktublara, uşaqlığıma xəyanət etmiş olaram. Yaxşı ki, bu peşəyə gəlmişəm. Dostlar qazanmışam, çətinliklər görüb, bərkimişəm. İnformasiyaların içində və bolluğunda olan yerdən niyə peşiman olum ki..?

  

-Uzun müddətdir ki, jurnalist kimi fəaliyyət göstərirsiniz. Bu müddət ərzində “Şərq” qəzeti mətbuata kifayət qədər  peşəkar jurnalistlər bəxş edib. Gənclərlə işləyirsiniz. Maraqlıdır, gənc  jurnalistlərlə bağlı nə düşünürsünüz?

 

- Özünüzün də dediyi kimi “Şərq” qəzeti kifayət qədər  peşəkar jurnalistlər yetişdirib. Bura məktəbdir. Burda həm də elə bir aura var ki, istənilən gənc gəlib işləyib-işləməyəcəyini uzağı bir aya aydınlaşdıracaq. Çünki burda çox peşəkar bir komanda var. Peşəkar kapitan var. Elə olur ki, şəxsiyyət məsələsi də önə çıxır. “11-lik”  bir heyətdə yer alıb, o ansabla alışmaq var. Üstəlik yazı taktikası, rəqabətə davamlılıq, özünü göstərmək hünəri... Bu qəzetin mayasında həmişə gənclərlə  işləmək meyarı öndə olub. Olmasaydı, bu qədər peşəkar yazarı necə yetişdirə bilərdik? Müasir gənclər  informasiya texnologiyalarının verdiyi imkanlardan istifadəyə daha çox meyl edirlər. Bu lazımdır, hətta vacibdir.  Amma xəbərçiliyin, jurnalistikanın canlı müşahidə qaydaları unudulmamalıdır. Belə olanda sənin xəbərin daha etibarlı kapitala çevrilir. Bazarın rəqabətinə duruş gətirir.        

 


-Yusif müəllim, müsahibələrin birində demisiniz ki, qəzetin əməkdaşları ilə nadir hallarda mübahisə edirsiniz. Adətən mübahisələr nə üstündə olur? Ümumiyyətlə,  mətbuatda işlədiyiniz bu müddət ərzində hansısa həmkarınızla sözünüz çəp gəlibmi?

 

- Bayaq dedim ki, əməkdaşlarla mübahisə ancaq yaradıcılıq atmosferi daxilində ola bilər. Bəzən günün mövzularını dartışırıq. Dərc olunan yazılarımızın kəm-kəsirlərini çözürük. Başlıqdan tutmuş, onun  dizaynına qədər fikirlərimizi paylaşırıq. Bu qəzetin hisi-tozu hamımızın canımızdadır. Qardaşlıq, dostluq, sayğı var. 

 

-90-cı illərin sonları ilə indiki dövr mətbuatı arasında kifayət qədər fərq var. Sizcə, mətbuatımızın əsas problemləri nələrdir? O dövrün mətbuatının hansı xüsusiyyətinin indi də olmasını istəyərdiniz?

 

- Canlı ünsiyyət itib. Müsahibələr, reportajlar, araşdırmalar çox azdır. Korrektor işi zəifləyib. Media qalmaqallı mövzuları peşəkar səviyyədə çatdırmaqda gecikir. Məsuliyyət əvvəlki dövrlərdə olduğu kimi deyil. Məsələn, mən “7 gün” qəzetində işləyəndə müsahibin vəzifəsini düzgün yazmamağın üstündə rəhbərlik maaşımı kəsmişdi. Metroda partlayış olanda, hadisənin bütün tərəflərini işıqlandırmışdım, amma vaqonun hansı ölkədən, neçənci ildə Azərbaycana gətirildiyini, onun sonuncu təmir tarixini araşdırmadığıma görə məni materialı yenidən hazırlamağa məcbur etmişdilər. İndi belə məsuliyyət, tələbkarlıq varmı?  

  

-Adətən indiki gənclərin jurnalistikanı seçmə səbəbi müəyyən qədər məşhurluq qazanmaq istəyilə bağlıdır. Sizcə, öndə olub tanınmaq, yoxsa “gözəgörünməz” qalmaq yaxşıdır?

 

-Hansı sahədə olursan ol, bu biznesdə də belədir- işini doğru, düzgün, vicdanla  qurmusansa məşhursan. Birinci hesabatı özünə verməlisən. Nə iş görürsən, cəmiyyətə xeyrin nədir, harda səhvlər edirsən? Sonra təbii ki, ətrafın, cəmiyyətin reaksiyası önəmlidir. Azərbaycan reallığında məşhurluq nisbi anlayışdır. Sosial şəbəkələrdə gündə o qədər məşhurlaşanlar var ki... Amma bir həftədən sonra unudulur.  İndi faciələrlə məşhurlaşanlar var. İntiharlarla özlərindən bəhs etdirənlər var. Qalıcı istedadla tanınmaq başqa məsələdir. Bir ara hamı televiziyalara qaçırdı. Çünki orda məşhurlaşmaq çox asan idi. Amma indi heç televiziyalarımıza baxan yoxdur. Bakı əhalisinin 80 faizindən çoxu telekanallarımızı izləmir. İndi əksəriyyət saytlara qaçır. Çünki onun qapısı birbaşa milyonların olduğu sosial şəbəkələrə rahat açılır. Burda həm özünü ifadə edirsən, həm yaradıcılığını, həm də bacarıqlarını. Millət başdan- ayağa sosiallaşıb. Adi sosial şəbəkə istifadəçisi bir də görürsən xəbəri bütün mediadan əvvəl çatdırır. Təbii ki, xəbərin araşdırması, təhlili bizlərə qalır.      

 


-Bu il “Şərq” qəzetinin  21 yaşı tamam olacaq. Sizcə, qəzetin indiyə kimi ən böyük nəaliyyəti  nə olub? Geridə qalan illəri necə qiymətləndirirsiniz?


- Geriyə baxanda biz ölkənin ən çox oxunan, yüksək tirajlı qəzeti olmuşuq. Bu gün də daxil olmaqla, redaksiyamızda 170-dən çox jurnalist yetişib. Onların çoxu indi ayrı-ayrı yerlərdə bacarıqlarını davam etdirirlər. Saytlarda, televiziyalarda, QHT-lərdə, dövlət strukturlarında,  bank sektorunda işlərinə davam edirlər. Bunların hamısı “Şərq”in uğurudur.

 

-Son olaraq, Yusif müəllim, media  nümayəndələrinə, gənc jurnalistlərə hansı tövsiyələr verə bilərsiniz?. Bu yolda yeni addımlamağa başlayan bir gənc kimi mənə də maraqlıdır.

 

- Mən 92-ci illərdə ilk dəfə yazılarımı redaktora təqdim edəndə çox həyəcan keçirirdim. Redaktor yazımı oxuyub elə günə qoyurdu ki, vərəqlər qırımızı qələmin müdaxiləsindən “al-qana bələnirdi”. Amma bunun ardınca redaktor ruhdan düşdüyümü görüb, siyirmədən öz yazısını çıxarıb, göstərirdi. Bir az mənim yazımdan fərqli orda da xeyli düzəliş edildiyini görürdüm. O dəqiqə üz cizgilərim dəyişirdi, ürəyim yerinə gəlirdi. Yəni belə hallarda tez ruhdan düşmək olmaz, öz üzərində, yazıların üstündə işləmək lazımdır.

Hansı yerdə daha azad, demokratik  mühit var, orda irəli getmək asan olur. Bütün potensialını ortaya çıxarmaq üçün bunun önəmi böyükdür. Hər saat, hər dəqiqə öyrənmək, oxumaq gərəkdir. Xarici ölkə jurnalistikasına göz gəzdirmək vacibdir. Türkiyənin, Rusiyanın, dilini bildiyiniz digər ölkələrin mediasını izləmək lazımdır.

 

Günay RƏSULQIZI


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Ankarada partlayış baş verib, ölən var     
24.05.2018, 21:26

Ankarada partlayış baş verib, ölən var  

Ukrayna yeni siyasi senzura tətbiq edir - Zaxarova
24.05.2018, 21:15

Ukrayna yeni siyasi senzura tətbiq edir - Zaxarova

9 futbolçu "Qarabağ"dan ayrıldı
24.05.2018, 21:03

9 futbolçu "Qarabağ"dan ayrıldı

Gənc fiziklərin ötən il “Thomson Reuters”in jurnallarında 118 elmi məqaləsi yayımlanıb
24.05.2018, 21:00

Gənc fiziklərin ötən il “Thomson Reuters”in jurnallarında 118 elmi məqaləsi yayımlanıb

Ronaldiniyodan qəribə addım - Eyni vaxtda 2 qadınla evlənəcək
24.05.2018, 20:47

Ronaldiniyodan qəribə addım - Eyni vaxtda 2 qadınla evlənəcək

Donald Tramp Şimali Koreya lideri ilə görüşü ləğv edib   
24.05.2018, 20:33

Donald Tramp Şimali Koreya lideri ilə görüşü ləğv edib  

ABŞ: Yeni virus Rusiyada yaradılıb
24.05.2018, 20:24

ABŞ: Yeni virus Rusiyada yaradılıb

Bakıda keçiriləcək Avropa çempionatının oyunlarının  təqvimi - UEFA-2020
24.05.2018, 20:19

Bakıda keçiriləcək Avropa çempionatının oyunlarının  təqvimi - UEFA-2020

"Qobu Park" yaşayış kompleksi məcburi köçkünlər üçün salınmış sayca 98-ci şəhərcikdir - VİDEO
24.05.2018, 20:10

"Qobu Park" yaşayış kompleksi məcburi köçkünlər üçün salınmış sayca 98-ci şəhərcikdir - VİDEO

TAP-ın prezidenti Azərbaycana gələcək   
24.05.2018, 19:13

TAP-ın prezidenti Azərbaycana gələcək  

Avro ilə əməliyyatların həcmi 12,1% azalıb
24.05.2018, 19:02

Avro ilə əməliyyatların həcmi 12,1% azalıb

NATO Quru Qoşunları Komandanlığının qərargah rəisi kəşfiyyatçıların təlimini izləyib - FOTOLAR
24.05.2018, 18:56

NATO Quru Qoşunları Komandanlığının qərargah rəisi kəşfiyyatçıların təlimini izləyib - FOTOLAR

24.05.2018, 18:50

"Azərbaycanın beynəlxalq aləmdə çox böyük nüfuzu var" - VLADİMİR PUTİN

Azərbaycana xaricdən pul köçürmələri 63% artıb
24.05.2018, 18:44

Azərbaycana xaricdən pul köçürmələri 63% artıb

"Yol hərəkəti haqqında” qanuna əlavə və dəyişiklik edilir - Yeni kateqoriyalar müəyyənləşir?
24.05.2018, 18:36

"Yol hərəkəti haqqında” qanuna əlavə və dəyişiklik edilir - Yeni kateqoriyalar müəyyənləşir?

Nazarbayev İlham Əliyevə məktub yazıb   
24.05.2018, 18:31

Nazarbayev İlham Əliyevə məktub yazıb  

Tramp onun seçkiqabağı kompaniyasında casusun olması barədə təsdiqləyici məlumat əldə edib
24.05.2018, 18:25

Tramp onun seçkiqabağı kompaniyasında casusun olması barədə təsdiqləyici məlumat əldə edib

Prezident Abbas Əliyevə
24.05.2018, 18:18

Prezident Abbas Əliyevə "Əməkdar jurnalist" adı verdi

“AXC: Türk ölkələrinin dövlət quruculuğu tarixində müasir model” adlı konrans keçirildi - FOTOLAR
24.05.2018, 18:11

“AXC: Türk ölkələrinin dövlət quruculuğu tarixində müasir model” adlı konrans keçirildi - FOTOLAR

İlham Əliyevdən 4,6 milyon manatlıq SƏRƏNCAM
24.05.2018, 18:09

İlham Əliyevdən 4,6 milyon manatlıq SƏRƏNCAM

İncə Ərdoğanı ittiham etdi
24.05.2018, 18:06

İncə Ərdoğanı ittiham etdi

Türk lirəsi niyə ucuzlaşır? - Səfirdən AÇIQLAMA
24.05.2018, 18:00

Türk lirəsi niyə ucuzlaşır? - Səfirdən AÇIQLAMA

“TANAP Azərbaycanın iqtisadiyyatının inkişafı üçün önəmli bir qapıdır”  
24.05.2018, 17:57

“TANAP Azərbaycanın iqtisadiyyatının inkişafı üçün önəmli bir qapıdır”  

Erkan Özoral AXC-nin arxivindən danışdı  
24.05.2018, 17:56

Erkan Özoral AXC-nin arxivindən danışdı  

Ərdoğan Qarabağın işğaldan azad edilməsi məsələsini “Seçki Bəyannaməsi”nə saldı
24.05.2018, 17:53

Ərdoğan Qarabağın işğaldan azad edilməsi məsələsini “Seçki Bəyannaməsi”nə saldı

Səfir AXC-nin qurulmasını türk dünyasının önəmli hadisəsi adlandırdı
24.05.2018, 17:52

Səfir AXC-nin qurulmasını türk dünyasının önəmli hadisəsi adlandırdı

Azərbaycanda əfv olunanlar arasında əcnəbilər də var - SİYAHI   
24.05.2018, 17:49

Azərbaycanda əfv olunanlar arasında əcnəbilər də var - SİYAHI  

Mətbuat Şurasında şikayətlər dinlənilib
24.05.2018, 17:36

Mətbuat Şurasında şikayətlər dinlənilib

Bakıda polisə zor tətbiq edənə cinayət işi açıldı
24.05.2018, 17:35

Bakıda polisə zor tətbiq edənə cinayət işi açıldı

Mədəniyyət Nazirliyindən Rüstəm İbrahimbəyovun filminə ETİRAZ
24.05.2018, 17:32

Mədəniyyət Nazirliyindən Rüstəm İbrahimbəyovun filminə ETİRAZ

Dolların kursu sabit qaldı - MƏZƏNNƏ
24.05.2018, 17:32

Dolların kursu sabit qaldı - MƏZƏNNƏ

Baş nazir benzinə görə təhdid edildi
24.05.2018, 17:30

Baş nazir benzinə görə təhdid edildi

Çempionlar Liqasının finalı İstanbulda keçiriləcək
24.05.2018, 17:19

Çempionlar Liqasının finalı İstanbulda keçiriləcək

Prezident 634 nəfəri əfv etdi - TAM SİYAHI   
24.05.2018, 17:14

Prezident 634 nəfəri əfv etdi - TAM SİYAHI  

Rəsmi Dəməşq: “Türkiyə qoşunları Suriyadan çıxarılmalıdır”
24.05.2018, 16:52

Rəsmi Dəməşq: “Türkiyə qoşunları Suriyadan çıxarılmalıdır”

ARXİV
SORĞU
Türkiyədə səsvermə hüqüqunuz olsaydı, hansı namizədə səs verərdiniz?
Muharrem İnce (23.6%)
Meral Akşener (12.5%)
Rəcəb Tayyip Ərdoğan (57.2%)
Selahattin Demirtaş (1.97%)
Temel Karamollaoğlu (0.65%)
Doğu Perinçek (3.94%)