Türkiyənin müxalif Cümhuriyyət Xalq Partiyasının (CHP) prezidentliyə namizədi Muharrem İnce seçkinin nəticələrini qəbul etdiyini bildirib.
Modern.az saytı xəbər verir ki, o, bunu iyunun 25-də keçirdiyi mətbuat konfransında deyib.
İnce həmçinin hakim Ədalət və İnkişaf Partiyasının sədri və prezidentliyə namizədi Rəcəb Tayyib Ərdoğanı prezident seçkisində qələbə qazanması münasibətilə təbrik edəcəyini bildirib.
“Məni heç kim hədələməyib. Hədələyən adam da hələ dünyaya gəlməyib. Əldə olan faktlara görə, məğlub olmuşuqsa, bunu qəbul etməliyik. Nəticələri qəbul etməyib küçələrə çıxmaq demokratiya deyil. Seçkinin nəticələrinin qəbul edirəm” , deyə vurğulayıb.
