Modern.az

Türkiyə səfiri Modern.az-da qonaq oldu

Türkiyə səfiri Modern.az-da qonaq oldu

Media

1 Sentyabr 2009, 12:14

Fürsətdən istifadə edib səfirə bir sıra suallarla müraciət etdik. Diplomat hazırda Türkiyədə gündəmdə olan kürdlərə muxtariyyət verilməsi məsələsinə də münasibət bildirdi. Hulisi Kılıc dedi ki, qardaş ölkədə bununla bağlı müzakirələr aparılır: “Deyim ki, bu işlər  hələ də davam edir. Müxtəlif fikirlər mövcuddur. Ona görə bu mövzuda danışmaq düzgün olmaz. İqtidar, müxalifət yönümlü partiyalar var. Prosesin getdiyi bu mərhələdə hamı danışır. Bu, Türkiyənin daxili məsələsidir. Davam edən bir mövzu ətrafında danışmaq mənim vəzifəm deyil. Mənim buradakı vəzifəm iki qardaş ölkə arasındakı münasibətləri inkişaf etdirməkdir. Hazırda Türkiyədə demokratikləşmənin sürətlənməsi üçün işlər gedir. Kürdlər yaşayan bölgənin daha da inkişaf etdirilməsi üçün maliyyə vəsaitinin yatırılması haqda fikirlər var. Mən yalnız istəyirəm ki, hər şey Türkiyə üçün yaxşı olsun, Türkiyədə yaşayan insanlar üçün yaxşı olsun”.  

Türkiyənin Azərbaycandakı səfiri saytımıza onu da bildirdi ki, müxtəlif redaksiyaları gəzməkdə məqsədi tanışlıq, mətbuatla yaxın olmaqdır: “İlk təyin olunduğum gündən bildirdiyim kimi, mətbuat mənim üçün çox önəmlidir. Bu sahədə işləyən insanlarla bilgi, məlumat alış-verişində olmaq daha gözəldir. Bu, hər iki tərəf üçün də əhəmiyyətlidir. Mətbuat mənim üçün həmişə körpüdür. Mətbuat qaranlıqdakı işıqdır. Bu, həm də mənim vəzifəmdir. Doğrudur, müxtəlif tədbirlərdə bir yerdə oluruq. Görüşmək imkanımız olur. Amma yarım saat, bir saat təklikdə onlarla söhbətləşmək, bütünləşmək daha çox önəmlidir. Hansı tərəfdə fəaliyyət göstərməsindən asılı olmayaraq müxtəlif redaksiyaları ziyarət edirəm”.

 

 

 

 

 

 

 

 

 

 

 

 

 

 

 

Instagram
Gündəmdən xəbəriniz olsun!
Keçid et
Bakıdan Ermənistana xəbərdarlıq: Kəndləri boşaldın,ya da...