Səhiyyə Nazirliyi Mərkəzi Neftçilər Xəstəxanasının Cərrahiyyə və orqan transplantasiyası şöbəsinin müdiri, tibb üzrə fəlsəfə doktoru Mircəlal Kazımi tutduğu vəzifədən ayrılıb.
Bu barədə Modern.az-a M.Kazımi məlumat verib. O qeyd edib ki, işdən öz ərizəsilə ayrılıb:
“2008-ci ildə Mərkəzi Neftçilər Xəstəxanasında könüllü fəaliyyətə başlamışdım. İndi də könüllü olaraq işdən ayrıldım”.
M.Kazımi sentyabrın 19-dan etibarən Mərkəzi Gömrük Hospitalında Cərrahiyyə və Orqan Transplantasiyası şöbəsinin rəhbəri olaraq fəaliyyətinə davam etdiyini açıqlayıb.
