Bakının Nərimanov rayonunda ağır yol-nəqliyyat hadisəsi baş verib.
Modern.az APA-ya istinadən xəbər verir ki, avtoqəza Ziya Bünyadov prospektində qeydə alınıb.
Yüksək sürətlə hərəkətdə olan "Lada Priora" markalı minik maşını yolda quraşdırılan işıq dirəyinə çırpılıb. Hadisə nəticəsində bir neçə nəfərin xəsarət aldığı deyilir. Yaralılar xəstəxanaya yerləşdirilib.
Əraziyə polis əməkdaşları və təcili tibbi yardım briqadaları cəlb olunub. Faktla bağlı araşdırma aparılır.
