Ermənistan Respublikasına keçmiş maliyyə naziri Qaqik Xaçatryanın Los-Ancelesdəki malikanəsinin satışından əldə edilən gəlirin böyük hissəsi dövlətə geri qaytarılacaq.
Modern.az xəbər verir ki, bu barədə Ermənistanın Baş Prokurorluğun mətbuat xidməti açıqlayıb.
Ermənistan tərəfinin tələbi ilə Amerika məhkəməsi tərəfindən müsadirə edilən Xaçatryanın malikanəsi əvvəllər 36 milyon dollara satılmışdı.
Qaqik Xaçatryan 2014-cü ildən 2016-cı ilə qədər Ermənistanın maliyyə naziri vəzifəsində çalışıb və bundan əvvəl, 2008-ci ildən 2014-cü ilə qədər respublika hökuməti yanında Dövlət Gəlirləri Komitəsinə rəhbərlik edib.
