Bakıda 3 saylı Şəhər Klinik Xəstəxanasında yeniyetmə qız uşaq dünyaya gətirib, sonra özü və körpəsinin öldüyü bildirilib.
3 saylı Şəhər Klinik Xəstəxanasından Modern.az-ın sorğusuna cavab olaraq bildirilib ki, yeniyetmə aqonal vəziyyətdə qanaxma ilə xəstəxanaya gətirilib.
Məlumatda bildirilir ki, doğuş xəstəxanada baş verməyib:
“Xəstə reanimasiya şöbəsinə yerləşdirilib. Orada həkimlərin səyinə baxmayaraq, yeniyetmənin həyatını xilas etmək mümkün olmayıb. Doğuş 3 saylı Şəhər Klinik Xəstəxanasında olmayıb”.
Qeyd edək ki, Bakıda yeniyetmə qız uşaq dünyaya gətirib, sonra özü və körpəsi ölüb.
Araşdırmalar nəticəsində 15 yaşlı G.B.-nin əvvəllər 28 yaşlı Mayıl Hadıyevlə qeyri-rəsmi nikah münasibətlərində olması müyyən edilib.
Faktla bağlı cinayət işi başlanılıb, M.Hadıyev saxlanılıb.
