Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi vəzifəsinin icrası polkovnik Elşad Əbilova həvalə olunub.
Modern.az-ın əldə etdiyi məlumata görə, Elşad Əbilov İdarə rəisi vəzifəsinin icrasına başlayıb.
Xəbəri Müdafiə Nazirliyindən saytımıza təsdiq ediblər.
Məlumat üçün bildirək ki, sözügedən vəzifəni əvvəllər general-mayor Bəkir Orucov icra edib. O, "Tərtər işi"nə görə həbs edilərək məsuliyyətə cəlb olunub.
Fotoda: General-mayor Bəkir Orucov
Qeyd edək ki, polkovnik Elşad Əbilov Vətən müharibəsi iştirakçısıdır. 1983-1986-cı illərdə C.Naxçıvanski adına Hərbi Liseydə təhsil alan Azərbaycan Ordusunun polkovniki “Hərbi xidmətlərə görə”, “Ağdamın azad olunmasına görə”, “Cəbrayılın azad olunmasına görə”, “Qubadlının azad olunmasına görə” medalı, 3-cü dərəcəli “Vətənə xidmətə görə” ordeni ilə təltif edilib.
Fotolarda: Polkovnik Elşad Əbilov