Mahir Emreli Azərbaycan millisinin tarixində antirekorda imza atıb.
Modern.az xəbər verir ki, 23 yaşlı hücumçu yığmanın tarixində ən erkən qırmızı vərəqənin müəllifi olub.
O, Millətlər Liqasının I turunun Lüksemburqla ev oyununun 26-cı dəqiqəsində rəqibi vurduğu üçün meydandan qovulub.
Mahir əvvəlki antirekordu 1 dəqiqə yeniləyib. Ondan öncə ən erkən qırmızı vərəqəni iki futbolçu alıb. Aslan Kərimov Portuqaliya ilə 2007-ci, Saşa Yunisoğlu Avstriya ilə 2011-ci ildəki görüşlərin 27-ci dəqiqəsində meydandan kənarlaşdırılıb.
Düzdür, iki futbolçumuz meydanda daha az olub qırmızı vərəqə alıb. Lakin Rasim Abışov və Branimir Subaşiç komanda yoldaşlarını əvəzləyəndən az sonra qırmızı vərəqə görüb. (APA)
