Bu gün Azərbaycan Premyer Liqasında II tura yekun vurulub.
Modern.az xəbər verir ki, "Sabah" "Bank Respublika Arena"da "Qəbələ"ni qəbul edib. Görüş meydan sahiblərinin 3:0 hesablı qələbəsi ilə başa çatıb.
Bu qələbədən sonra ilk xallarını qazanan "Sabah" 4-cü pilləyə yüksəlib. 1 xalı olan "Qəbələ" isə 7-ci sıraya geriləyib.
Qeyd edək ki, turun digər matçlarında "Sumqayıt" "Neftçi"ni 2:0, "Zirə" "Səbail"i 2:1 hesabı ilə məğlub edib. "Qarabağ" isə "Keşlə" ilə oyunda qolsuz bərabərliyə razı olub.
