Azərbaycan Qızıl Aypara Cəmiyyəti (AzQAC) tərəfindən xüsusi yardıma və qayğıya ehtiyacı olan aztəminatlı ailələrə ərzaq sovqatları, tibbi ləvazimatlar və gigiyenik vasitələr olan bağlamalar paylanılıb.
Modern.az xəbər verir ki, Naftalan Şəhər İcra Hakimiyyəti və AzQAC-ın Goranboy-Naftalan şəhər bölməsinin birgə tərtib etdiyi siyahıya uyğun olaraq bağlamalar İcra Hakimiyyətinin və AzQAC-ın Goranboy-Naftalan şəhər bölməsinin əməkdaşları tərəfindən qeyd olunan kateqoriyadan olan 17 ailənin ünvanına çatdırılıb.
Vətəndaşlar göstərilən yüksək diqqət və qayğıya görə, eləcə də ölkəmizdə və Naftalanda koronavirus infeksiyasının yayılmasının qarşısının alınması məqsədi ilə görülən tədbirlərə görə möhtərəm cənab Prezident İlham Əliyevə və Birinci Vitse-Prezident Mehriban xanım Əliyevaya dərin minnətdarlıqlarını bildiriblər.
