Dünyada COVID-19 infeksiyasına təsdiqlənmiş yoluxma hallarının sayı 30 milyonu keçib.
Modern.az xəbər verir ki, bu barədə federal və yerli hakimiyyət orqanlarının, eləcə də KİV və digər açıq mənbələrin məlumatlarını ümumiləşdirən Cons Hopkins Universiteti öz hesabatında qeyd edib.
Universitetin məlumatına görə, dünyada hazırda koronavirus infeksiyasına yoluxma hallarının sayı 30 071 314-ə çatıb, COVID-19 diaqnozu qoyulmuş 944 887 nəfər isə dünyasını dəyişib. Bu müddət ərzində 20 432 852 nəfər müalicə olunaraq sağalıb.
Ölənlərin sayına görə birinci yerdə ABŞ durur – 197 633 ölüm. İkinci və üçüncü yerləri Braziliya (134 935) və Hindistan (83 198) bölüşür.
