Müasir dövrdə Azərbaycan Respublikasında Korrupsiyanın səviyyəsinin öyrənilməsi məqsədilə ixtisaslaşdırılmış tədqiqatların və onların hüquqi təminatı barədə rəy sorğularının aparılması layihəsinin icrasına başlanılıb.
“Xəzər – Gələcək naminə Tərəfdaşlıq Beynəlxalq Hərəkatı” ictimai birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2020-ci il üçün Azərbaycan QHT-lərinin layihələrinin maliyyəşdirilməsi ilə bağlı ikinci müsabiqədə iştirak edib və «Müasir dövrdə Azərbaycan Respublikasında Korrupsiyanın səviyyəsinin öyrənilməsi məqsədilə ixtisaslaşdırılmış tədqiqatların və onların hüquqi təminatı barədə rəy sorğularının aparılması» adlı layihəsinin qalibi olub.
Modern.az xəbər verir ki, bu layihə dünyanın demokratik inkişaf mərhələsi yaşayan əksər ölkələri kimi, Azərbaycanın da müstəqil dövlət olaraq qarşısında duran vacib problemlərdən biri korrupsiya və rüşvətxorluğa qarşı mübarizədir.
Azərbaycan Respublikasının Prezidenti cənab İlham Əliyev ölkədə gedən sürətli sosial-iqtisadi inkişafa, demokratik dəyərlərin, insan hüquqlarının və azadlıqlarının bərqərar olmasına baxmayaraq, bir çox rəsmi tədbirlərdə, əhali ilə görüşlərində iqtisadiyyatdakı inhisarçılıq meyllərinin qarşısını almağı, azad rəqabət mühitinin yaradılmasını təmin etməyi, vergidən yayınma hallarına qarşı təsirli tədbirlər görməyi, qiymətlərin süni şəkildə şişirdilməsinə yol verməməyi, hakimiyyət orqanları tərəfindən aparılan əsassız yoxlamalara son qoymağı, ölkə həyatının bütün sahələrində rüşvətxorluğa və korrupsiyaya qarşı daha ciddi və sistemli mübarizə aparmağı dövlət orqanlarının əsas vəzifəsi kimi müəyyənləşdirib.
«Müasir dövrdə Azərbaycan Respublikasında Korrupsiyanın səviyyəsinin öyrənilməsi məqsədilə ixtisaslaşdırılmış tədqiqatların və onların hüquqi təminatı barədə rəy sorğularının aparılması» adlı layihənin icrası dövründə “Müasir dövrdə Azərbaycan Respublikasında korrupsiyanın səviyyəsinin öyrənilməsinə dair ixtisaslaşdırılmış tədqiqatların aparılması və onların hüquqi təminatı” adlı xüsusi Azərbaycan dilində kitab nəşr olunması planlaşdırılır.
Layihənin müddəti 01.09.2020 – 01.12.2020-ci il tarixinədək (3 ay) dövrü əhatə edir. Layihənin əsas məqsədləri və vəzifələri aşağıdakılardır:
Layihənin icra müddəti ərzində paytaxtımızda (Bakı şəhəri) və regionda (İsmayıllı rayonu) keçiriləcək tədbirlərin Azərbaycan xalqının inkişafında müsbət təsiri olacaqdır.
Layihənin icrası zamanı həyata keçirilmiş işlər haqqında təşkil olunmuş müvafiq yerdə yekun iclas keçiriləcək və müvafiq dövlət strukturlarının və KİV-lərin nümayəndələri, digər şəxslər dəvət olunacaqdır. Müvafiq sənədlər və materiallar toplanaraq Azərbaycan Respublikasının Prezidenti yanında Qeyri-Hökumət təşkilatlarına dövlət dəstəyi şurasına hesabat təqdim ediləcəkdir.
