Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 29-na olan statistik göstəriciləri açıqlayıb.
Modern.az xəbər verir ki, məlumatda bu gün ərzində Azərbaycanda koronavirusla bağlı 6 384 test edildiyi bildirilib.
Qeyd olunub ki, ölkə ərazisində bu günə qədər 910 890 test aparılıb. İndiyədək 529 nəfər COVID-19-dan dünyasını dəyişib, 36 174 nəfər xəstəliyə qalib gəlib. Aktiv xəstə sayı 2 069 nəfərdir. Hazırda 140 nəfər reanimasiyada müalicə alır. 16 nəfər isə süni tənəffüs cihazına qoşulub.
Qeyd edək ki, bu gün Azərbaycanda 188 yoluxma, 115 sağalma faktı qeydə alınıb, 2 nəfər dünyasını dəyişib.
