“Müharibənin baş verdiyi ərazilərdən daha bir meyit tapılıb, hazırda identifikasiyası üzrə işlər davam etdirilir, DNT analizləri götürülür”.
Modern.az xəbər verir ki, bunu jurnalistlərə açıqlamasında Baş prokuror Kamran Əliyev deyib.
Baş Prokuror qeyd edib ki, analiz nəticələri açıqlanandan sonra itkin düşənlərin sayının 6-ya düşəcəyi güman olunur:
“Bununla bağlı bizim aidiyyəti qurumlarla əməkdaşlığımız davam edir. Ümumilikdə isə həm Birinci Qarabağ müharibəsində, həm də İkinci Qarabağ müharibəsində itkin düşən şəhidlərimiz var. Birinci Qarabağ müharibəsində 4 min, İkinci Qarabağ müharibəsində isə 7 nəfər şəxs itkin düşüb”.
