ATƏT Sank-Peterburqda Rusiya, Azərbaycan və Ermənistan prezidentlərinin üçtərəfli görüşünə hazırlıqda iştirak etmir.
Modern.az saytının TASS-a istinadən xəbərinə görə, bu barədə ATƏT-in mətbuatla əlaqələr şöbəsinin rəhbəri vəzifəsini icra edən Nataşa Radjakoviç bildirib.
O, əlavə şərh verməkdən imtina edib.
“ATƏT Sankt-Peterburqda Dağlıq Qarabağ üzrə sammitin təşkilinə cəlb edilməyib. Biz bu məsələni şərh edə bilmərik. Bildiyimiz kimi, bu görüş Rusiya tərəfinin təşəbbüsü ilə çağırılır. Bu barədə suallar Rusiya hakimiyyətinə vermək lazımdır”,-deyə o söyləyib.
İyunun 20-də Sankt-Peterburqda Rusiya, Azərbaycan, Ermənistan prezidentlərinin Dağlıq Qarabağ münaqişəsi ilə bağlı görüşü keçiriləcək.
Vladimir Putinin Azərbaycan prezidenti İlham Əliyev və Ermənistan dövlət başçısı Serj Sarkisyanla ayrı-ayrılıqda, sonra isə üçlükdə görüşkeçirəcəyi gözlənilir.
Bu barədə Rusiya prezidentinin köməkçisi Yuri Uşakov məlumat verib.
Aqşin KƏRİMOV
