Dəyər – İnsanilik ölçüsü, ifadəsi və tələbidir.
***
Dəyərin özülü – İnsanlıqdır.
Ona görə də Yer üzündə İnsanlıqdan böyük, uca dəyər yoxdur.
***
İnsanlığa uyğun olan nə varsa – dəyərdir, dəyərlidir.
İnsanlığa uyğun olmayan nə varsa – dəyərsizdir.
***
Əxlaq insanidir – ona görə dəyərdir.
Mənəviyyat insanidir – ona görə dəyərdir.
Ləyaqət insanidir – ona görə dəyərdir.
Ruhaniyyat insanidir – ona görə dəyərdir.
***
Əxlaqsızlıq insanlığa qarşıdır – ona görə dəyərsizlikdir.
Mənəviyyatsızlıq insanlığa qarşıdır – ona görə dəyərsizlikdir.
Ləyaqətsizlik insanlığa qarşıdır – ona görə dəyərsizlikdir.
Ruhsuzluq insanlığa qarşıdır – ona görə dəyərsizlikdir.
***
İnsanlıq dəyərlərlə – var olur, qorunur, təsdiqlənir.
İnsanlıq dəyərlərsiz – özümlüyünü itirir, yox olur, ölür.
***
Xalq dəyərdir – ona görə ki, insaniliyi təsdiq edir.
Dövlət dəyərdir – ona görə ki, insaniliyi təsdiq edir.
Ailə dəyərdir – ona görə ki, insaniliyi təsdiq edir.
Atalıq, kişilik dəyərdir – ona görə ki, insaniliyi təsdiq edir.
Analıq, qadınlıq dəyərdir – ona görə ki, insaniliyi təsdiq edir.
Evladlıq dəyərdir – ona görə ki, insaniliyi təsdiq edir.
İnsan dəyərdir – ona görə ki, Ruhani varlıqdır.
***
Xalq dəyərsizləşir – ona görə ki, insanlıqdan ayrılır.
Dövlət dəyərsizləşir – ona görə ki, insanlıqdan ayrılır.
Ailə dəyərsizləşir – ona görə ki, insanlıqdan ayrılır.
Atalıq, kişilik dəyərsizləşir – ona görə ki, insanlıqdan ayrılır.
Analıq, qadınlıq dəyərsizləşir – ona görə ki, insanlıqdan ayrılır.
Evladlıq dəyərsizləşir – ona görə ki, insanlıqdan ayrılır.
İnsan dəyərsizləşir – ona görə ki, Ruhsuzlaşır.
***
Dəyərlərin qorunması, yaşadılması – İnsanlığın qorunması, yaşadılmasıdır.
Dəyərlərin itməsi, ölməsi – İnsanlığın itməsi, ölməsidir.
***
Dəyərlərin mütləq var olması İnsanlaşmadan – Kamilləşmədən, Əxlaqlaşmadan, Mənəviyyatlaşmadan, Ləyaqətləşmədən keçir.
Dəyərlər mütləq qorunmur, ona görə də nisbiləşir, ötəriləşir, dəyərsizləşir və ölür.
***
İnsan hələ ki, yaratdığı dəyərlərin mütləqliyinə çatmayıb, onları təsdiq etməyib. Bunun üçün onun Kamilləşməsi, İnsanlaşması gərəkdir.
***
Atamız var olsun!
