İranın xarici işlər naziri Hüseyn Əmir Abdullaiyan Qətərdə HƏMAS hərəkatının siyasi bürosunun rəhbəri İsmayıl Haniyə ilə görüşüb.
Modern.az xəbər verir ki, bu barədə İran Xarici İşlər Nazirliyinin mətbuat xidməti məlumat yayıb.
Məlumata görə, danışıqlar zamanı tərəflər Qəzza zolağı və İordan çayının qərb sahilindəki siyasi vəziyyəti, həmçinin beynəlxalq durumu müzakirə ediblər.
Abdullahian Fələstin xalqına dəstəyini ifadə edib və ABŞ-ı İsrailə yardım etdiyinə görə qınayıb.
