Qarın ən çox düşdüyü yerlər Şamaxı rayonunun Əngəxaran, Məlhəm, Çuxuryurd, Nağaraxana, Qızmeydan və Pirquludur.
Anspress-in məlumatına görə, qar ötən gün gecə saatlarından Şamaxı rayonun demək olar ki, bütün kəndlərinə yağmağa başlayıb. Ancaq gün ərzində Bakı-Şamaxı-Ağsu magistralının ətrafına yaxın olan kəndlərdə qar ərisə də dağ kəndlərində qar hələ də tam əriməyib. Belə ki, rayonun dağlıq ərazilərində qarın hündürdürlüyünün 5-10 santimetrə çatdığı müşahidə olunub. Qarın ən çox düşdüyü yerlər isə Əngəxaran, Məlhəm, Çuxuryurd, Nağaraxana, Qızmeydan və Pirquludur.
Qeyd edək ki, qarın yağmasına baxmayaraq, magistral yollarda nəqliyyatın gedişində problem yaranmayıb.
Modern.az
