Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən verilən məlumatda , Azərbaycan rayonlarında hava şəraitinin arabir yağıntılı olacağı, dağlıq ərazilərdə sulu qar, qar yağacağı gözlənildiyini bildirilmişdi.
Modern.az ən çox qar düşəcəyi gözlənilən bölgələrlə əlaqə saxlayıb.
Quba rayon İcra Hakimyyətindən verilən məlumata görə, hazırda hava mülayimdir. Qar yağmayıb.
Qusar rayon İcra hakimyyətindən bildirilib ki, ötən gündən qar yağması müşahidə edilməyib. Hava yaxşıdır. Qusarın bölgələrinə də qar yağmayıb.
Göygöl rayonundan verilən məlumatda isə hazırda rayonun ucqar kəndlərinə sulu qar yağdığı bildirilib. Məlumata görə, rayonun Toğanalı kəndinə qar dənələri düşür. Həmçinin bildirilib ki, Murov dağ və Kəpəz dağ yarıya qədər qara bürünüb.
“Zaqatalada hazırda hava tutqun olsa da, qar və yağış yağmır”- bunu rayonun İcra hakimyyətindən bildiriblər.
Məltəm TALIBZADƏ
