Gürcüstanın paytaxtı Tbilisidə yaşayış binasında baş verən partlayış nəticəsində ölənlərin sayı artıb. Modern.az xəbər verir ki, paytaxtın Diqomi rayonunda baş verən hadisə nəticəsində 4 nəfər ölüb, 5-i uşaq olmaqla 6 nəfər yaralanıb. İlkin məlumatlara əsasən, partlayış qaz sızmasına görə baş verib.
Ölənlər arasında 4 yaşlı uşaq da var. O, xəstəxanaya çatdırılsa da, onun həyatını xilas etmək mümkün olmayıb.
Ölkənin baş naziri faciə ilə bağlı 17 yanvar tarixini matəm günü elan edib.
***
“Tbilisidə Didi Diğomi rayonundakı yaşayış binasında baş vermiş partlayış nəticəsində 3 nəfər ölüb”. Modern.az “Report”a istinadən xəbər verir ki, bunu Post Patrul Xidmətinin rəhbəri Teymuraz Kupatadze deyib.
O bildirib ki, qəza zamanı 3-ü uşaq olmaqla 5 nəfər xəsarət alıb, yaralılar xəstəxanalara çatdırılıb.
Partlayış binanın dördüncü mərtəbəsində qaz sızması nəticəsində baş verib. Hazırda yaşayış binasının sakinləri təxliyə olunur.
