““Bakıkart"ların əksəriyyəti metrolarda vestibüllərdə idi. İndi aparatlar yalnız dayanacaqlardadır və burada da kartların yüklənməsi zamanı sıxlıq yaranır”.
Modern.az-ın məlumatına görə, bunu Nazirlər Kabineti yanında Operativ Qərargahın mətbuat konfransında Bakı Nəqliyyat Agentliyi İdarə Heyətinin sədri Vüsal Kərimli bildirib.
Agentlik sədri qeyd edib ki, insanlar davranışlarını dəyişməli, növbəlilik prinsipinə, sosial məsafəyə riayət etməlidir:
“Ekspress xətlər metro istifadəçiləri üçün açılıb, sərnişinlərin "Xətai"dən "İçərişəhər"ə getməsinə görə deyil. Xahiş edirik ki, bunu nəzərə alsınlar”.
