Xüsusi karantin rejiminin bitməsi ilə əlaqədar iyunun 16-sı səhər saatlarından Bakı şəhərinin giriş və çıxışlarında nəqliyyat vasitələrinin hərəkətində çətinliklər yaranıb.

Bakı Nəqliyyat Agentliyinin (BNA) mətbuat katibi Mais Ağayev Modern.az-a bildiriib ki, uzun növbəli tıxacların olması cənub və şimal istiqamətindəki ətraf qəsəbələrdən gələn 24 müntəzəm marşrut xətti üzrə avtobuslararası intervalda ciddi gecikmələrə səbəb olub:

"Bildiririk ki, Bakı şəhərinin giriş və çıxışlarında mövcud vəziyyətin yaranması xüsusi karantin rejimi dövründə fəaliyyətinə icazə verilən sahələrdə çalışan bəzi şəxslərin onlara verilən bu imtiyazdan sui-istifadəsi ilə bağlıdır. Avtomobilləri ilə hərəkətlərinə icazə verilməsindən şəxsi maraqlar üçün istifadə edən həmin vətəndaşlar sərtləşdirilmiş rejim günlərindən öncə qeyri-qanuni olaraq respublikanın müxtəlif regionlarına gediblər".

Bu cür sui-istifadə hallarının yolverilməz olduğunu qeyd edən BNA rəsmisi vətəndaşlara xüsusi-karantin rejimi qaydalarına anlayışıla yanaşmağı tövsiyə edib.