Modern.az xəbər verir ki, Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, Bakıda və Abşeron yarımadasında yanvarın 26-da hava şəraitinin tutqun olacağı, fasilələrlə qar yağacağı və çovğun olacağı gözlənilir. Şimal-qərb küləyinin sürəti 18-23 m/s olacaq, arabir 25-28 m/s, 26-dan 27-nə keçən gecə yarımadanın bəzi yerlərində 30-33 m/s-dək şiddətlənəcəyi ehtimal olunur. Havanın temperaturu gecə 3-5 dərəcə şaxta, gündüz 0-2 dərəcə şaxta təşkil edəcək. Yollar buz bağlayacaq. Yanvarın 27-də hava şəraitinin buludlu olacağı, fasilələrlə qar yağacağı gözlənilir. 26-dan 27-nə keçən gecə və səhər şimal-qərb küləyinin sürəti 15-20 m/s olacaq, arabir 23-25 m/s-dək güclənəcək, gündüz 9-14 m/s-dək mülayimləşəcək. Havanın temperaturu gecə 3-5 dərəcə şaxta, gündüz 0-2 dərəcə şaxta təşkil edəcək. Yollar buz bağlayacaq. Yanvarın 28-də hava şəraitinin buludlu olacağı, 27-dən 28-nə keçən gecə və səhər bəzi yerlərdə zəif qar yağacağı gözlənilir, gündüz arabir açılacağı, gün ərzində əsasən yağmursuz keçəcəyi ehtimal olunur. Şimal-şərq küləyinin sürəti 6-11 m/s olacaq, gündüz cənub-qərb küləyinin sürəti 9-14 m/s təşkil edəcək, arabir 16-18 m/s-dək güclənəcək.
Havanın temperaturu gecə 4-7 dərəcə şaxta, gündüz 0-2 dərəcə isti təşkil edəcək.
Azərbaycanın rayonlarında yanvarın 26-da intensiv qar yağacağı, bəzi yerlərdə güclü olacağı gözlənilir. Şimal-qərb küləyinin sürəti 10-15 m/s olacaq, arabir 20-25 m/s-dək güclənəcək, ayrı-ayrı yerlərdə 30-33 m/s-dək şiddətlənəcək.
Qərb küləyinin sürəti 5-10 m/s olacaq, ayrı-ayrı yerlərdə arabir 15-20 m/s-dək güclənəcək. Havanın temperaturu gecə 3-5 dərəcə şaxta, gündüz 3 şaxtadan 2 dərəcəyədək isti, dağlarda gecə 8-13 dərəcə şaxta, gündüz 2-7 dərəcə şaxta təşkil edəcək.
Yanvarda 27-28-də intensiv qar yağacağı, 28-də səhər qərb rayonlarında, gündüz şərq rayonlarında tədricən kəsiləcəyi gözlənilir. 26-dan 27-nə keçən gecə və səhər şimal-qərb küləyinin sürəti 10-15 m/s olacaq , arabir 20-25 m/s-dək güclənəcək. 27-də gündüz küləyinin sürəti 5-10 m/s-dək zəifləyəcək, 28-də gündüz arabir 15-18 m/s-dək güclənəcək. Havanın temperaturu gecə 3-8 dərəcə şaxta, gündüz 2 dərəcə şaxtadan 3 dərəcəyədək isti, dağlarda gecə 10-15 dərəcə şaxta, gündüz 3-8 dərəcə şaxta təşkil edəcək.
Milli Hidrometeorologiya Departamenti xəbərdarlıq edir ki. anomal soyuq hava şəraiti yanvarın 28-də gündüzədək davam edəcək. Fasilələrlə intensiv qar yağacağı, yağıntıların bəzi yerlərdə güclü olacağı, yolların buz bağlayacağı, çovğun olacağı gözlənilir. Şimal-qərb küləyi 20-25 m/s, ayrı-ayrı yerlərdə 28-33 m/s-dək şiddətlənəcək.
Tibbi-meteoroloji proqnoza görə, yaxın 2 gün ərzində Abşeron yarımadasında şaxtalı hava və kəskin külək nəticəsində yaranmış soyuq diskomfort hava şəraiti meteohəssas insanlar üçün əlverişsizdir.
