Ukraynada müharibə müddətində 3 Azərbaycan vətəndaşının doğulan uşaqlarına vətəndaşlıq verilib.
Modern.az xəbər verir ki, bu barədə Ukrayna Dövlət Miqrasiya Xidmətindən Report-a verilən açıqlamada bildirilib.
Qeyd edilib ki, bunlardan ikisi Ukrayna Prezidentinin sərəncamının "Ukrayna vətəndaşlığına qəbul" ilə bağlı 9-cu bəndinə əsasən baş tutub.
Bir uşaq isə valideynlərindən biri Ukrayna vətəndaşı olduğu üçün avtomatik vətəndaşlıq alıb. Bu ailələlər müharibə müddətində ölkəni tərk etməyiblər.
