Son dövrlər ərzaq məhsullarının qiymətində kəskin artım müşahidə edilir. Ekspertlərin fikrincə, bahalaşma dünyada gedən iqtisadi böhran və Rusiya-Ukrayna müharibəsindən qaynaqlanır. Qiymətlərin əvvəlki illərlə müqayisədə bir neçə dəfə yüksəlməsi insanların qayğılarını və problemlərini də artırıb.
Belə ki, əvvəlki dövrlərdə aylıq maaş qida və digər zəruri xərclərin ödənilməsinə kifayət edirdisə, hazırkı dönəmdə vəziyyət tamamilə fərqlidir. İndi əksər insanları əyləncə və istirahətdən daha çox qida təminatı düşündürür.
Bəs, bahalaşma şəraitində aylıq ərzaq xərci nə qədərdir?
Modern.az mövzunun aktuallığını nəzərə alaraq, Bakı sakinlərindən aylıq ərzağa nə qədər pul xərclədiklərini soruşub.
Respondentlərdən bir çoxu aylıq maaşın böyük hissəsini ərzaq almaq üçün sərf etdiyini söyləyib. Digərləri isə fərqli rəqəmlər səsləndiriblər.
Ətraflı videoda:
Operator: Əjdər İbrahimov
