İran ABŞ-ın sabiq prezidenti Donald Trampı öldürmək istəyir.
Modern.az xəbər verir ki, bu barədə İran İslam İnqilabı Keşikçiləri Korpusunun (SEPAH) Aerokosmik Qüvvələrinin rəhbəri Əmirəli Hacızadə dövlət televiziyasına müsahibəsində bildirib.
O vurğulayıb ki, SEPAH-ın Qüds Qüvvələrinin sabiq komandiri Qasım Süleymaninin öldürülməsinə görə Trampı qətlə yetirmək lazımdır.
“İnşallah, biz Trampı öldürməyə çalışırıq. Pompeo (keçmiş dövlət katibi Mayk Pompeo - red.) və əmr verən hərbi komandirlər öldürülməlidir”, - general Hacızadə deyib.
Onun sözlərin görə, İran 1650 kilometr mənzilli qanadlı raket hazırlayıb. “Paveh” adlandırılan qanadlı raket ilk dəfə dövlət televiziyasında nümayiş etdirilib.
Akif İsmayılov
