Tam (11 illik) orta təhsil səviyyəsi üzrə 5 mart 2023-cü il tarixində keçirilən imtahanda ən yüksək nəticə göstərən şagirdin kimliyi məlum olub.
Modern.az-ın əldə etdiyi məlumata görə, həmin şəxs 296.7 bal toplayan şagird Hacıyev Arif Nəriman oğludur.
O, Bakı şəhəri Fizika, riyaziyyat və informatika təmayüllü respublika liseyinin 11b sinfində oxuyur.
***
15:10
Tam (11 illik) orta təhsil səviyyəsi üzrə 5 mart 2023-cü il tarixində keçirilmiş buraxılış imtahanının nəticələri elan olunub.
Bu barədə Modern.az-a DİM-dən məlumat verilib.
Bildirilib ki, imtahan iştirakçıları arasında ən yüksək nəticəni 296.7 bal toplayan Bakı şəhəri Fizika, riyaziyyat və informatika təmayüllü respublika liseyinin şagirdi göstərib.
Məlumata görə, həmin şagird 2 il əvvəl də 9-cu sinif buraxılış imtahanında 282.6 bal toplamaqla yüksək nəticə ələ etmişdi.
