Türkiyənin Nyu-York Konsulluğunun yerləşdiyi "Türk Evi"nə hücum edilib.
Modern.az yerli KİV-ə istinadən xəbər verir ki, Türkiyə vətəndaşları prezident seçkilərinin ikinci turu üçün səs verən zaman naməlum şəxslər binaya hücum edib.
Hadisə zamanı binanın ön şüşələri sındırılıb. Xəsarət alanların olub-olmaması barədə məlumat verilməyib.
Xatırladaq ki, ABŞ-ın Nyu-York şəhərində yerləşən “Türk Evi” 2021-ci il sentyabrın 20-də açılıb. Mərasimdə Türkiyə Prezidenti Rəcəb Tayyib Ərdoğan, BMT-nin Baş katibi Antoniu Quterreş və BMT Baş Assambleyasının 76-cı sessiyasında iştirak etmək üçün Nyu-Yorka gələn dövlət və hökumət nümayəndələri iştirak edib.
