Ukrayna təkcə özünü deyil, həm də Avropanın təhlükəsizliyini müdafiə edir və beynəlxalq hüququn keşiyində dayanır.
Modern.az xəbər verir ki, bunu Avropa Siyasi Birliyinin ikinci sammitinə qatılan İtaliyanın Baş naziri Ciorcia Meloni deyib.
O bildirib ki, əgər ukraynalılar güclü müqavimət göstərməsəydilər, Rusiyanın təcavüzünün növbəti qurbanı Moldova ola bilərdi.
"Ukraynalılar özlərini müdafiə edə bilməsələr və biz onlara kömək etməsək, Rusiya təcavüzünün növbəti qurbanı Moldova olacaqdı", - deyə Meloni bildirib.