Martın 25-də İsveçin "Ericsson" telekommunikasiya şirkəti 1200 əməkdaşını ixtisar etmək niyyətindədir.
Modern.az xəbər verir ki, bu barədə şirkətin mətbuat xidmətindən məlumat verilib.
Şirkət istehsal və idarəetmə proseslərinin optimallaşdırılması və bəzi bina və xidmətlərin ləğvi də daxil olmaqla xərclərin azaldılması üçün tədbirlər görmək niyyətindədir. "Ericsson" xərclərə qənaət tədbirlərinə ehtiyacı telekommunikasiya bazarındakı çətin şəraitlə əlaqələndirir.
2023-cü ilin sonuna olan məlumata görə, "Ericsson"un təxminən 100 min işçisi olub. İşçilərin 14 mini İsveçdə olub.