“Şeraton” Kurort və Hotellər Şəbəkəsi 2011-ci ildə Bakıda da hotel açmağı planlaşdırır. Adıçəkilən şəbəkənin Gürcüstan üzrə marketinq direktoru Tamuna Guledani Modern.az-ın əməkdaşına deyib ki, bu istiqamaətdə danışıqlar gedir.
Hotel nümayəndəsi onu da bildirib ki, belə bir proyektin Ermənistanda həyata keçirilməsi gözlənilmir: “Çünki bu ölkənin həm zəif iqtisadi durumu, həm də sərhədlərinin Türkiyə və Azərbaycana bağlı olması gələcəkdə orada hər hansı bir perspektivin olmasına zəmin yaratmır. Üstəlik Ermənistana turistlərin gediş-gəlişi də azdır”.
Qeyd edək ki, “Şeraton” Kurort və Hotellər Şəbəkəsinin dünyanın 75 ölkəsində 400-dən artıq mehmanxanası var. 2010-cu ilin may ayında Qara dəniz sahillərində yerləşən Batumi şəhərində yeni bir hotelin açılışı ilə isə Gürcüstanda ikinci “Şeraton” hotelinin fəaliyyətinə start verilib.
Ülviyyə Quliyeva
