Rusiyada Aleksandr Kurenkov yeni fövqəladə hallar naziri təyin olunub.
Modern.az-ın məlumatına görə, bu barədə Rusiya prezidenti Vladimir Putin müvafiq sərəncam imzalayıb.
General-mayor A.Kurenkov bu vəzifədə ötən il həlak olmuş Yevgeni Ziniçevi əvəz edəcək.
Xatırladaq ki, Y.Ziniçev ötən ilin sentyabrında Norilsk şəhərində təlimlər zamanı sənədli çəkiliş qrupu üzvünün həyatını xilas etməyə çalışarkən həlak olmuşdu.
Bu günədək Rusiya fövqəladə hallar naziri vəzifəsini Aleksandr Çupriyan icra edirdi.
