Azərbaycanın iki boksçusu Rusiyanın Kazan şəhərində keçirilən I MDB Oyunlarında mübarizəyə qoşulub.
Modern.az xəbər verir ki, 48 kq çəki dərəcəsində yarışan Tağı Nəsibov yarımfinalda Javoxir Kuysinova (Özbəkistan) uduzub.
Digər təmsilçimiz İbrahim Zeynalov isə Artyom Nazarov (Rusiya) ilə dueldən məğlub ayrılıb.
Qeyd edək ki, bu gün Azərbaycanın 10 sərbəst və 5 qadın güləşçisi çıxış edir. Sentyabrın 3-də Azərbaycan yunan-Roma güləşçiləri 3 qızıl, 1 gümüş və 2 bürünc medal qazanıblar. Digər tərəfdən, qadın boksçuların hər 3-ü ilk görüşdə uduzub.
