“Kia” va “Hyundai” Rossiya avtomobil bozoriga birinchi boʻlib qaytgan kompaniyalar boʻlishi mumkin.
Modern.az xabar berishicha, bu haqda “Avtostat” direktori Sergey Tselikov TASSga bergan intervyusida maʼlum qilgan.
Uning taʼkidlashicha, geosiyosiy vaziyat normallashsa va sanksiyalar yumshatilsa, “Kia” va “Hyundai” Rossiya avtomobil bozoriga birinchi boʻlib qaytgan kompaniyalar qatorida boʻlishi mumkin.
Uning soʻzlariga koʻra, baʼzi avtomobil ishlab chiqaruvchilari Rossiya bozoriga umuman qaytmasligi mumkin. Ular orasida “Renault” va “Nissan” ham bor. Tselikovning taʼkidlashicha, “Mercedes” va “Volkswagen” ham Rossiya bozoridan deyarli qaytmaslik sharti bilan chiqqan.
Qayd etish joizki, ushbu avtomobil gigantlari Rossiya bozoridan toʻliq chiqib ketmagan boʻlsa-da, Rossiyadagi ishlab chiqarish va sotish faoliyatini 2022-yildan boshlab toʻxtatgan. “Hyundai” 2022-yil mart oyida Rossiyadagi ishlab chiqarishini toʻxtatgan, 2023-yil dekabr oyida esa Sankt-Peterburgdagi zavodini Rossiyaning Art-Finance kompaniyasiga sotgan.
“Kia” esa 2022-yildan boshlab Rossiyadagi faoliyatini va ishlab chiqarishini toʻxtatgan. Uning ham Sankt-Peterburgdagi zavodi keyinchalik sotilgan.
