Islandiyada o‘tkazilgan referendumda saylovchilarning aksariyati mamlakatning Yevropa Ittifoqiga (YI) a’zoligi bo‘yicha muzokaralarni tiklashga qarshi ovoz berdi.
Modern.az xabar berishicha, ovozlarni hisoblash natijalariga ko‘ra, saylovchilarning 52,8 foizi muzokaralarni tiklashga qarshi chiqqan, 47,2 foizi esa buni qo‘llab-quvvatlagan. Referendumda saylovchilar faolligi 82,5 foizni tashkil etdi.
YIga integratsiyaning muxoliflari a’zolik Islandiyaning suverenitetini cheklashi, shuningdek, mamlakatning baliqchilik va qishloq xo‘jaligi sohalariga salbiy ta’sir ko‘rsatishi mumkinligini ta’kidladilar.
Muzokaralarni tiklashni qo‘llab-quvvatlaganlar esa YI bilan yanada yaqinroq integratsiya iqtisodiy afzalliklarga, jumladan, inflyatsiya va foiz stavkalarining pasayishiga olib kelishini o‘ylashgan.
Eslatib o‘tamiz, Islandiya YIga a’zolik uchun birinchi marta 2009-yilda murojaat qilgan. Biroq a’zolik muzokaralari 2013-yilda to‘xtatilgan.
