Rossiya Prezidenti Vladimir Putin Qirgʻizistonga ish safari bilan keldi.
Modern.az xabar berishicha, Rossiya yetakchisini Manas xalqaro aeroportida Qirgʻiziston Bosh vaziri Adilbek Kasimaliyev kutib olgan.
Vladimir Putin tashrif doirasida VI Butunjahon koʻchmanchilar oʻyinlarining ochilish marosimida ishtirok etadi.
Rossiya Prezidenti 1-sentabr kuni Shanxay Hamkorlik Tashkiloti (ShHT) Davlat rahbarlari kengashi yigʻilishida, shuningdek, “ShHT Plus” formatida oʻtkaziladigan yuqori darajadagi uchrashuvda qatnashadi.
Sammit doirasida Putinning Qirgʻiziston, Xitoy, Eron, Moʻgʻuliston, Tojikiston va Turkiya yetakchilari, shuningdek, Armaniston va Hindiston bosh vazirlari bilan ikki tomonlama uchrashuvlar oʻtkazishi rejalashtirilgan.
Bundan tashqari, sammit davomida 2028-yilda Qozonda oʻtkazilishi rejalashtirilgan navbatdagi Butunjahon koʻchmanchilar oʻyinlari eʼlon qilinishi kutilmoqda.
Qayd etish joizki, 2027-2028-yillarda Shanxay Hamkorlik Tashkilotiga raislik Rossiyaga oʻtadi.
