Dünən Çempionlar Liqasının 1/4 final mərhələsi çərçivəsində keçirilən İngiltərənin “Mançester Siti” və “Totenhem” klubları cavab oyununda meydan sahibləri 4:3 hesabı ilə qalib gəlib.
Modern.az xəbər verir ki, bu oyun bir sıra rekordlarla yadda qalıb. Matçda ilk 4 qol 11-ci dəqiqəyə qədər vurulub ki, ÇL tarixində bu müddət ərzində belə məhsuldarlıq qeydə alınmamışdı.
21-ci dəqiqədə vurulan beşinci qol isə ÇL tarixində yeni rekorddur. Bundan əvvəlki rekord 2016-cı ildə baş tutmuş “Borussia Dortmund – “Legia” matçında qeydə alınmışdı (24-cü dəqiqədə 3:2).
Qeyd edək ki, ilk oyunda 1-0 hesab ilə qalib gəlmiş “Totenhem” cavab matçında uduzsa da, səfərdə daha çox qol vurmasına görə yarımfinala yüksəlib.
Novruz NOVRUZLU