80 saylı İmişli-Beyləqan seçki dairəsindən olan namizədlərin seçicilərlə görüşü başlayıb.
Modern.az xəbər verir ki, artıq həmin dairədən deputatlığa namizəd, beşinci çağrıış Milli Məclisin üzvü Çingiz Qənizadə bu gün İmişli rayonunun Qaragüvənlikli kəndi və Bəhramtəpə qəsəbəsində seçiciləri ilə bir araya gəlib.
Görüş zamanı Çingiz Qənizadə özü və fəaliyyəti barədə məlumat verib.
Daha sonra çıxış edən kənd sakinləri, deputat olduğu dövrdə o kəndə göstərdiyi diqqət və qayğısı, ərizə və şikayətlərə verdiyi cavabı, ərizə və şikayətlər nəticəsində onlara edilmiş köməkliklər barədə ayrı-ayrılıqda Çingiz Qənizadəyə öz təşəkkürlərini bildiriblər və növbəti seçkilərdə də ona səs verəcəklərini deyiblər.
Görüşün sonunda Çingiz Qənizadə şikayət və sözü olan seçicilərini fərdi qaydada qəbul edib.
