Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin Həssas əhali qruplarından olan şəxslər üçün Sığınacaq və Sosial Reabilitasiya Müəssisəsinə bu il 39 nəfər qəbul olunub.
Nazirlikdən Modern.az-a verilən xəbərə görə, həmin şəxslər yaş qruplarına uyğun müəssisənin müvafiq şöbələrinə qəbul ediliblər.
Ötən il qəbul olunan şəxslər də daxil olmaqla bu il müəssisədə ümumilikdə 150-yə yaxın şəxsə sosial xidmətlər göstərilib.
Onlardan böyük hissəsi reabilitasiya kursunu artıq başa vurub. Hazırda burada 25-i qadın, 42-si kişi olmaqla 67 sakinə stasionar formada reabilitasiya yönümlü sosial xidmətlər göstərilir. Onlardan 13 nəfəri uşaqdır.
