İşğaldan azad edilmiş ərazilərdə indiyə qədər 83993 hektar ərazi mina və partladılmamış hərbi sursatlardan təmizlənib.
Modern.az xəbər verir ki, bunu ANAMA-nın əməliyyat idarəsinin rəisi İdris İsmayılov deyib.
O bildirib ki, indiyə qədər 89 mindən çox mina və hərbi sursat aşkar edilərək məhv edilib:
"Biz ilk gündən yaşayış yerləri, yol və infrastruktur layihələri, elektrik xətləri üzrə layihələr icra olunan əraziləri minalardan təmizləmişik və bu istiqamətdə fəaliyyət davam edir. Hazırda köçlə bağlı Laçın, Zabux və Sus yaşayış yerlərində işlər aparılır".
