Bu ay azad edilmiş ərazilərdə 70 km-dən artıq mövcud təminat yolları təkmilləşdirilərək bərpa edilib.
Bu barədə Modern.az-a Müdafiə Nazirliyindən məlumat verilib.
"Bundan başqa, mürəkkəb relyefli, o cümlədən çətin keçilən qayalıq ərazilərdə avtomobil və döyüş texnikası kolonlarının təhlükəsiz hərəkətinin təmin edilməsi məqsədilə digər dövlət qurumları ilə qarşılıqlı fəaliyyət nəticəsində yeni təminat yolları çəkilib. Cari ilin iyul ayı ərzində 70 km-dən artıq mövcud təminat yolları təkmilləşdirilərək bərpa edilib", - məlumatda qeyd olunub.
