Üzv ölkələrin parlamentarləri, eləcə də TÜRKPA katibliyinin diplomatik heyətindən ibarət TÜRKPA Beynəlxalq Müşahidəçi Missiyası 4 oktyabr 2020 - ci il tarixində Qırğızıstan Respublikasında keçiriləcək parlament seçkilərinin qısamüddətli monitorinqini aparacaq.
Müşahidə proqramına Qırğızıstan Respublikası Xarici İşlər Nazirliyinin və Mərkəzi Seçki Komissiyasının yüksək vəzifəli şəxsləri ilə görüşlər daxildir. Səsvermə günü Missiya Bişkekdə bir sıra seçki məntəqələrində seçki müşahidəsi aparacaq.
5 oktyabr tarixində Missiyanın seçkilərin nəticələrinə dair mətbuat konfransının keçirilməsi nəzərdə tutulur.
