İngiltərənin “Liverpul” klubunun seneqallı hücumçusu Sadio Manenin koronavirus testinin cavabı müsbət cavab göstərib.
Modern.az xəbər verir ki, klubun rəsmi saytında məlumat yerləşdirilib. Hazırda Mane özünü yaxşı hiss edir, futbolçu təcrid olunub.
Daha əvvəl klubda koronavirus yarımmüdafiəçi Thiago Alcantarada aşkarlanıb.
Xatırladaq ki, üç oyunda 9 xalla “Liverpul” İngiltərə Premyer Liqasının turnir cədvəlində ikincidir. Komanda oktyabrın 4-də "Aston Villa" ilə görüş keçirəcək.
