28Sentyabr | Ana Səhifə - Yazılar - Bozqurd işarəsi
Bozqurd işarəsi

Hidayət Elvüsal


Göz görə-görə dağılmağa, parçalanmağa doğru gedən Türkiyənin Millətçi Hərəkat Partiyası (MHP) açığını desək son zamanlar öz ideyasından uzaqlaşmaqdadır. İqtidarda olan AKP ilə MHP arasında cəmi bir neçə, o qədər də önəmi olmayan fərq qalıb. Bütün bunlar öz yerində.

Partiyanın ən fəal, nüfuzlu ülküçüləri ya uzaqlaşdırılıb, ya da küsdürülüb. Maral Akşənərlə başlayan böhran get-gedə dərinləşib. Azərbaycan kökənli Sinan Oğan və uzun illərdir ki, ermənilərin bütün yalanlarını, onlara havadarlıq edənlərin ikiüzlülüyünü danılmaz faktlarla sübut edən Yusif Halacoğlu kimi simalar Dövlət Bahçəliylə üz-üzə gəlib. Belə mübariz üzvlərini itirən MHP ən həlledici məqamlarda məhz iqtidarın müdafiəsində dayanıb. Elə bu səbəbdən də səmimiyyətsiz siyasət yeridən partiyadan kütləvi tərk etmələr başlanıb. Elə bu səbəbdən də ikinci seçkilər zamanı MHP millət vəkili sayını yarıbayarı itirdi, sonuncu yerdə dayana bildi. Bütün bunlar heç şübhəsiz Dövlət Bahçəlinin son illərdə tutduğu mövqe, diktat davranışı, kürsüsünü itirmək xofu və…

Çox hörmət etdiyim, açıq sözü, danılmaz faktları ilə diqqət çəkən yazarlardan biri Sabahəddin Önkibar illərdir ki, eyni ifadəni söyləyir:

- Bahçəli görəvlidar!

Yəni Dövlət Bahçəli göründüyü, özünü təqdim etdiyi kimi bir siyasi sima deyil. O, ehtiyatda olan qüvvə kimi, ən kritik məqamlarda AKP-nin dadına çatır, kömək əlini uzadır. Məhz bu cəhəti əsl bozqurdların narazılığına səbəb oldu. Qarşıdurma dərinləşdi.

Ən əvvəl bu partiyanın qurucusu Alparslan Türkeşin oğlu Toğrul Türkeş MHP-ni tərk edib, AKP-yə qoşuldu və Baş Nazirin müavini vəzifəsini əldə etdi. Bahçəli bir-iki gərəksiz söz söyləsə də Toğrul bəylə üz-üzə gələndə, gülümsəyib, əl uzatdı.

İş o yerə çatıb ki, bir zamanların rekord tamaşaçı kütləsinə malik olan, MHP-nin güzgüsü “Bengi-türk” telekanalı da öz simasını itirdi və buranı ən əvvəl Murad İde tərk etdi.

Murad bəyi Azərbaycanda yaxşı tanıyırlar. Aprel döyüşlərindən sonra da gəlmişdi. Savaş bölgəsindən çox təsirli veriliş hazırladı və “B.T.”-də nümayiş etdirdi.

İqtidara yaxın qəzetlərdən biri öz şərəfsiz müxbirlərindən birinin ermənilərdən hazırladığı material Murad bəyi üsyan həddinə çatdırmışdı. Qəzet erməninin dilindən yazırdı: “Biz (ermənilər) Qarabağın bir hissəsini (?!) azad (?!) etmişik, qalan hissəsi (?!) hələ də (?!) Azərbaycanın nəzarəti (?!) altındadır” (qeyd edim ki, mötərizədəki sual, nida işarələri bizimdir).

Və o zaman Murad İde ekrandan açıq-açığına dedi:

- Əgər Azərbaycanın yerinə, başqa bir dövlət olsaydı, Türkiyə hökumətinə NOTA verərdi. Amma… qardaş qardaşa necə NOTA versin?!

Murad bəy Azərbaycanı canı qədər sevirdi və sevir. Bahçəlinin hərəkətlərinə etiraz olaraq vəzifəsindən istefa verdi. İndi orada, o TV-də ürəyə türk sevgisi, Vətən eşqi ilə çarpanlar gözə dəymir. Əhməd Şəfəq kimi bir dostumuz da görünmür və… indi bu telekanal multfilm, musiqi, mətbəx… proqramları ilə, ara-sıra AKP yandaşlığı ilə proqram təqdim edir.

Belə! Amma söhbəti bununla bitirmək istəmədim. MHP-də qalanların bəzilərindən elə sözlər eşidirsən ki, təəssüf etməkdən savayı bir söz tanımırsan. Bahçəlinin müavinlərindən biri o gün öz çıxışında dedi:

- Bozqurd imarətini bu partiyanı tərk edənlər göstərə bilməzlər. Bu imarət yalnız və yalnız MHP-yə məxsusdur.

Bir dəqiqə, arkadaş! Bozqurd işarəti yalnız və yalnız MHP-yə məxsus deyil. Bu, Azərbaycan ülküçülərinin türk qardaşlarımıza bir hədiyyəsidir. Və ürəyində Türkçülük sevdası, Milliyyətçilik hissi, Vətən, Bayraq sevdası olan hər kəs bu işarəti göstərə bilər!

Bir qədər izahat verim. Bozqurd işarəti, salamlaşması (çeçelə barmaqlarının irəli uzatmalı və iki orta barmağın baş barmaqla uc-uca gəlməsi) Altaylardan üzübəri gələn türk simvoludur. 1990-cı illərə qədər Türkiyədə bu işarət olmayıb. Xalq Cəbhəsi hakimiyyəti zamanında Türkiyə nümayəndə heyətinin tərkibində Bakıya gələn Alparslan Türkeş Azərbaycan bozqurdlarının onu bu işarətlə salamlayarkən maraqlanıb. İşarətin mənasını soruşanda onun “Bozqurd” simvolu olduğunu İsgəndər Həmidov izah edib. Türkeşə çox böyük təsir bağışlayıb və Türkiyəyə döndükdən sonra “Bozqurd” işarətinin yayılmasını tapşırıb, həmişə də deyib:

- Bu, azərbaycanlı qardaşlarımızın bir hədiyyəsidir.

Əgər Bahçəlinin müavini bunu bilirsə, söylədik. Heç olmasa ülküçülüyün, Bozqurdun ən yaxın tarixini öyrənsin. Həmin işarət heç bir partiyanın məxsusi simvolu ola bilməz.

Türkçülük, Vətən, Bayraq, Dil, Din… mübarizələri bu simvoldan istifadə edə bilərlər.

MÜƏLLİFİN DİGƏR YAZILARI
“Soyqırımın səbəbkarları cəzasını almadan bu məsələ bağlanmayacaq” - Səfir 26 Fevral 2020, 11:02 Əkrəm İmamoğludan Xocalı paylaşımı 26 Fevral 2020, 11:00 Məktəblərdə ilk dərs və məşğələlər Xocalı soyqırımına həsr edilib - FOTO 26 Fevral 2020, 10:53 Parisin mərkəzində Xocalı soyqırımı anıldı - FOTO 26 Fevral 2020, 10:47 İsgəndər Həmidov xanımının yanında dəfn olunacaq 26 Fevral 2020, 10:45 Xəstəlik gələcəksə, spirtlə dolu qabın içinə girsən də xeyri olmayacaq - Sənətçilər 26 Fevral 2020, 10:41 Polis 50 şübhəlini saxladı 26 Fevral 2020, 10:35 İcra Hakimiyyətindən ağac kəsimi ilə bağlı iddialara CAVAB 26 Fevral 2020, 10:30 Sumqayıtda dava düşdü, 2 qardaş bıçaqlandı 26 Fevral 2020, 10:27 Rusiyada hakim partiya adını dəyişir 26 Fevral 2020, 10:22 Bakıda ər arvadını bıçaqladı 26 Fevral 2020, 10:16 Bakıda məskunalaşan 30 məcburi köçkün ailəsi Füzuliyə yerləşdiriləcək 26 Fevral 2020, 10:11 Daha bir Azərbaycan sakini terrorçu şəxslər siyahısına əlavə olundu 26 Fevral 2020, 10:10 İlham Əliyev “Xocalı” abidəsini ziyarət etdi 26 Fevral 2020, 10:05 İşsiz və işaxtaran şəxslərə ŞAD XƏBƏR 26 Fevral 2020, 10:00 “Vətəndaşların təklifləri mədəniyyətin inkişafına həssas münasibətdən xəbər verir” - Nazir 26 Fevral 2020, 09:54 İlham Əliyevdən Xocalı soyqırımı ilə bağlı paylaşım - FOTO 26 Fevral 2020, 09:49 Azərbaycana qayıtmaq üçün keçmiş arvadına 13 min manat ödəməli oldu 26 Fevral 2020, 09:47 Cəbhədə gərginlik artıb - düşmən snayperlərini yenidən işə saldı 26 Fevral 2020, 09:43 Azərbaycanda kollec yanaraq kül oldu 26 Fevral 2020, 09:39 Qoruyucu maskalardan düzgün istifadə QAYDALARI 26 Fevral 2020, 09:33 Kliniki Tibbi Mərkəzə yerləşdirilənlərin sayı ARTDI 26 Fevral 2020, 09:30 İrandan Azərbaycana gələn daha 34 nəfər xəstəxanaya YERLƏŞDİRİLDİ 26 Fevral 2020, 09:25 Çində koronavirus qurbanlarının sayı 2715-ə çatıb 26 Fevral 2020, 09:19 Allahverdi, İmamverdi, indi də Cəlal: Ermənilərin övladlarına azərbaycanlı adları vermək ƏNƏNƏSİ...  26 Fevral 2020, 09:13 Ev dustağı edilən icra başçısının xanım müavini barəsində SENSASİON İDDİALAR 26 Fevral 2020, 09:07 Leyla Əliyevadan Xocalı soyqırımı paylaşımı - VİDEO 26 Fevral 2020, 09:00 İsgəndər Həmidov vəfat etdi 26 Fevral 2020, 08:51 “Barselona” İtaliyadan vacib qolla dönür 26 Fevral 2020, 02:26 “Xocalı soyqırımı insanlığa qarşı törədilmiş cinayətdir”  - Mehriban Əliyeva 26 Fevral 2020, 00:47 Çindən kənarda koronavirusa yoluxanların sayı 2,4 min nəfəri ötdü 26 Fevral 2020, 00:29 Mingəçevirdə güclü külək ağacı qadının üzərinə aşırıb 26 Fevral 2020, 00:18 Xocalı soyqırımından 28 il ötür: Azərbaycanda həyat 1 dəqiqəlik dayanacaq   26 Fevral 2020, 00:00 “Türkiyə və Azərbaycan bir sabitlik abidəsi olaraq yüksəlirlər”  - Ərdoğan 25 Fevral 2020, 23:48 Güclü külək Ağdamın bir neçə kəndini işıqsız qoyub 25 Fevral 2020, 23:36