Bir neçə gün öncə hakerlər Hotmail servisinin on minlərlə müştərisinin elektron poçt ünvavına hücum edərək onları sındırıb parollarını internetdə yaymışdılar. Əvvəlcə ehtimal olunirdu ki, Hotmail servisinin müştərilərinə yönəldilmiş xaker hücumu daha geniş miqyas ala və digər servislərər də ola bilər. Gözlənilənlər baş verdi. Belə ki, internetdə nəinki Hotmail, həmçinin Google, Yahoo, AOL və digər poçt xidmətlərinin 30 mindən çox istifadəçisinin və onların elektron poçtların parollarının siyahısı yerləşdirilib
Modern.az xarici KİV-lərə istinadən xəbər verir ki, poçt akkauntlarını sındırmış xakerlərin fişinq sxemindən (tanınmış şirkətlər, misal üçün bank, sosial şəbəkə, poçt xidmətləri adından istifadəçilərdən onların şəxsi məlumatlarının, yəni login və parolların alınması məqsədilə spam göndərişi) istifadə etdikləri ehtimal olunur. İT-təhlükəsizlik üzrə mütəxəssislər bədəməl istifadəçilərin hücumuna məruz qalmış resurslardakı parolların dəyişdirilməsinə dair tövsiyələrlə çıxış ediblər.